მანანა ბერიკაშვილის შვილი, ანო მაისურაძე სოციალურ ქსელში პოსტს აქვეყნებს და წერს:
“ჩემს საყვარელ ბიძას ვუყურებდი ახლა ერთი საათი თვალებში. გახელილ თვალებში, რომლებიც ვერ ხედავენ. ვერ ველაპარაკები, არ შემიძლია. იქნებ სულ ერთი წამით იმაზე დაფიქრებამ, რამხელა ბედნიერებაა მზერა ადამიანის თვალებში, თუნდაც ერთი ადამიანის ცნობიერებაში შეცვალოს რამე.
რაღაცნაირად იქნებ სასიკვდილოდ არ გავიმეტოთ ერთმანეთი, არც სიტყვით, არც მუშტით, არც გაზით, არც არაფრით. საკუთარ თავთან რომ ვრჩებით, რა არის ყველაზე მნიშვნელოვანი ბოლოს და ბოლოს? ქოცებო, ნაცებო, რობოკოპებო, რაინდებო, მღვდლებო, ახალგაზრდებო და ძველგაზრდებო, გულანთებულებო, გულნატკენებო – ადამიანებო, ალავერდს თქვენთან ვარ” – წერს ანო მაისურაძე.
ცნობისთვის, ზურა ბერიკაშვილი რამდენიმე თვეა ჯანმრთელობის მძიმე მდგომარეობით, გერმანიაში, ერთ-ერთ კლინიკაშია. მსახიობს იანვარში, მოულოდნელად ჯანმრთელობის პრობლემა შეექმნა და მას გული გაუჩერდა, რამაც ტვინის დაზიანება გამოიწვია.
